Sunday, December 27, 2009

مدير ميستاهلش

مكتب كبير والشانون والكرسى دوار

الدنيا ياما تدى حتى ولو كان حمار

بس ياهل ترى هو دا مكانك

ولا مكانك طشط فى الدوار

Wednesday, November 25, 2009

نام كل واحد على جنب بيريحه


نام كل واحد على جنب بيريحه
مالقيت انا لا الجنب ولا مطرحه
قالو اكيد...العيبدا هيكون فيك
قولت..انا مجنون...تعالو طب ريييحوا

واحشانى بنت الجيران



واحشانى بنت الجيران ونفسى اشوفها
المح عيونها......... وتبصلى رموشها
بحلم ببنت الجيران تيجى تقول حبيت
وانا عمرى لو جت يوم ...ما هحوشها

يا ابن آدم



يا ابن آدم .. ما إنت اخرك تموت
والقبر لو قفلوة عليك منة ما تقدر تفوت
خليك كدة فى الدنيا عايش غضنفر
وقطر الحياة جنبك وبيقول توووت

الدنيا فيها كتير وزى ما تشتهى

......الدنيا فيها كتير وزى ما تشتهى
.......ولا عمر لذاتها فى يوم راح تنتهى
.......بس انت شوف اية الى بدك منها
........لان يوم ما هتشبع العمر راح ينتهى

Sunday, November 22, 2009

سألت قلبى

سألت قلبى   امتى هييجى يوم وتكون سعيد.......
وترجع تحب وتنبض من جديد.........
قال مانت شايف وحاسس بالى جوايا ..
يدوب بسمع عن الفرح    واشوفة من بعيد لبعيد........

فراشه نعسانة فى عش العنكبوت

فراشه نعسانة فى عش العنكبوت.......
وكل يوم بنشيل تابوت وتابوت........
ياهل ترى نلحق نفوق من الغفلة ..
ولا   يوم ماهنصحى يوم ما نمووووت......

Friday, August 22, 2008

ساعة الرحيل

وانا فى المحطة ...مستنى ساعة الرحيل
زى ما تــغرب شمس يـــوم كـــان جميل
لو كان بيدى ادى لحبيبى معاد
فى نــهار ويخلصش ......ولا اخرة ليل
وآه يانى