القبر

القلب بطــــــل دق........... والعقل طفــــى انـــــواره

واديـــك وحيــــد فى القبـــر... ولا كنت دارى بنـــــاره

دلوقتى ايــة الـى جنــاه من دنيته ياخده معاه؟؟

عمله لوحدة معــاة... فين عزوته وفين فلوسه وداره

كتكوت صغير

كتكوت صغير..... بص للحدايــــة وثــار

يـــا هبلة.... يام عيــــون تخينة كبـــــــار

جات البرابر قالتلة يا ابنى بطل عبط

ماقدرش على البردعة هتقدر على الحمار

!! وعجبى

مصر العلم

يا مصر انتى العلم ........والاصل الوانــــة

احمـــر دا دم شبابك.... والابيض اكفانــــــة

والاسود قلب حقود فى مكانة راح يتحرق

والنسر هو حاميكى بفضل الرب سبحانــــة

ويا بلدى

رباعية انشائية

قـــال الكمــر للسقف إنـــــــــــى ابوك

قـــال الحديد للكمر اصحـــــــى وفوق

قـــال العمود من غيرى انت تقع

قالت القواعد من غيرى كانو شالوك!؟

اسم حبيبى

سالونى يوم اسم حبيبى ... ردت عيونى مفرفشة

تانــــى حروف اســـــــــم حبيبــــى ي ومكـشكشة

وباقى حروفة... لو حرمنى منها اموت

واول حروفـــــة تانــــــى حـــــرف فـــــى مشمشة

وآه يانى

مش ليكى

يا بنتــــــــى روحــى سلكــى فـــى ودانــك

انا عـــمرى لا هكون فرحـــك ولا احزانــك

انا زى ريح الربيع لاكنى مش عطرة

ليا معاد فى السنة ولا عمرى هلزم مكانــك

وعجبى

الى عشقى مصر

وفيــــــــن بعدك الاقـــــــــــــــــى نسمـــة هــــــــــــــــوا

وبرا ارضك......... عمر مــــا جدرى ارتـــــــــــــوى

جدورى فيكى وفــرعى مهمـــا يمــــــد

هيقول.. اهو اصلى .. مصرى ..ولا عمرة يوم اغتوى

وعجبى

الى حبيبى إياد

طليت علينـــــــــا حبيبـــــــــــى بطلــة وداد

وبفضل ربك......... فرحنا اليوم فى إزدياد

إيدت شموع الفرح كنا خلاص نسيناها

صــدق ابوك وامك لمــــا سمــــــــــوك إياد

بطيخة

بطيخة واحـــــــــدة وفيــــها 100 لبــــاية

لباية وحشة ....ولبــــــاية تانية حكـــــاية

وكدة كمـــان.... مثل ابن آدم تمــام

واحد جمــيل الادب... واخوة عديم الربايـة

السر

وعدتنى شمس نهارى بسر ...... مابيعرفوة اتنين

وقعدت مستنـــــــى وكنـــــــا نهــــــــــــار لاتنين

عدى تلات...... بعدة تلات وتلات

وامنت لاربع ...ان كان دا ســر ما هيعرفوة اتنين

مسرحية

فــى مســــرح البــــالون قــــــعدت اصـــفق

معجب .. بقصة ...... عبيط لوحدى مصدق

ان الحـبيب رق لــهوى المحبـــوب

وانا ليـــا نفـــس الحلــم... يــاريت يتـــحقق

من انت

هل انت قـــــط ام ثعلب بــدون فـــراء

ام انت كلب اجرب ملقى فى الصحـــراء

ام انت اســـد دون مــلك الغــابة

لا ... بل انت طفل عـــــارى دون رداء

الغربة

جـــــالس فــــى غـرفة وحيــــــد ومقفولة عليــا

وبينــــى وبيــن حبايبـــــى الـف ميـــل وشويــه

اكيد دا معنى الغربة دلوقتى حسيت بيه

مــع ان فـــى كتيــــــــــــــر من البشــر حواليــا

وعجبى

احمد منسى

النحلة

خلق الالــة الكــــــون وكــــــل شــــــــىء مكتــــوب

نحلة تموت من قرصة وامـــــوت عشــــــان محبوب

لية العــــــذاب وايدينـا فيـــــــــها الـــــــدوا

يا نحلة لا تقرصى .......... ويا قلبى امتى تتوب؟

عليا دين

كنــــــــــا تلاتة .... على كل واحــــد ديـن

الاولانـى ريـــال ... والتــانى كـان شلنـين

اما انا ...فدينى.. رد جميـــــل

لصديــــق وفـى وقلب مليـــــــــــان حنيـن

وعجبى

الحرامى

الحـــــــب فى اولة.... سحر بيخطف قــلوب

إحســــاس جمـيل .... والــــكل فيــــة بيدوب

ييجى الجواز ... ويروح جنين الهـوى

ويبقـــى حرامـــى .... بيفضـى ــبس الجيوب

وعجبى

نفسى يحن

نفسـى فـــــى يــوم يرجـع حبيبـى ويحــــــن

خلاص يــا قلـــبى مبقــــاش كمــــان بيــرن

يــا فــى السمــاح يـا إمـا مفيش رصيد

وانــا حنينــى وشوقــى ليــة بيزيـــد

وعجبى

قلق الانتظار

يومــــى طويـــــــــــــل والقلب فى مزامير
فرحـان سعيــــد وف جنبــــــى فى مسامير
مزامير سعـــــــادة رايح معــــاد اللقا
ومسامير يا خوفى اروح الاقى الفضا
وعجبى

الصديق

كل صـــــديــق الاقـــية يبكــــــــــى عليــــا

لمـــا اختـــــار الطريــــق ولا مش باديـــــا

كـل طريـق يبكــى صديــق وصديــق

مع ان عمرى ما عينى فى يوم بكت عليــــا

وعجبى

الى امى

لو عشت فــوق عمـــرى كمان تمــانـيـــن

ما هلاقــــــى كيـــــــف قلبـك على حنيـــن

والله فـــى غربتى حسك هنا معايـا

كيـــف الطفل يمشـــى مــا بيــن كفيـــــــن

وعجبى

اعملك اية

اعمــــلك اية لاجل مـــا شـــىء يعجبــك

ولا حب قيس ولا شعـــر عنتر يطربــك

طب ليلـــــى وعبلة كانــــــــــو زى القمـــــر

وانت حبيبـــــى ايش تكــــــــون من البشــــر

وعجبى

مشوار طويل

مشوار طويــــــــــــل ونفســــى فيــــــه اتقطــــــع

واللة مــــــــــــــــــا بدرى ... هكمل ولا هقـــــــع

.....اسعى ما تسعى يا ابن آدم واملى صحيفتك

وبردة مــــــا هتنـــول ..الا الى فيهــــا اتوضـــــع

وعجبى

يا قلمى

يا قلمـــــى بطـــــــــل شخبـطـــــة واتلــــــــــــــــــم

دا الشعر مالى البلد على لاقلب زى الهـــــــــــــــــم

...قال سيبنى اقول واحكى على فى قلبى انحبس

انـــــا بردة بنــــــــــى آدم وحبــــــــرى هـــــو الدم

وعجبى

رباعية هجر

قلبـــــــى حزيــــــــــن لما حبيبى هجــــــــــــر

قولت اشتكــــــــــــى للورد ولا الشجــــــــــــر

روحت وشكيت ... وبدمع عينى بكيت

ردو عليا عليا بعجب إزاى تحب حجــــــــــــر

وعجبى

رباعيات حبيب

ياريت ما كان ولا حتى بينا ســـــلام

ولا كنت شوفت عينيكى فى الاحلام

....ما بيقدر قلبى على آلآم الهوى

كان بدة قلبى يعيش وحيد فى ســلام

وعجبى

بداية كلامى

السلام عليكم ورحمة اللة
هذة بداياتى فى المدونة
ان شاء الله تكون كما اريد وافضل