Friday, August 22, 2008

لاجـــــل مـــــا تندم يــــوم علــى فرقتـــى

لاجـــــل مـــــا تندم يــــوم علــى فرقتـــى
حـــــافظ علــــــى دا العــــــهد ومحبتـــى
وعشان ما اندم يوم على حبك
رميت هــــــواك ورجعـــت فـــى كلمتـــى
وعجبى

اكسر مرايتك

قولــى اعمـــل ايـــة فــــى مرايا متلحوسـه
كـــــــل الوشوش الـــــى فيهـــــا متندســه
اكسر مرايتك... وجيب إزاز نضيف
تشوف الى جوة القلوب حتى فى كحل المسا
وعجبى

آدى ارض مصر

آدى ارض مصر..... فيها الجمال والخيـــــر
وروح جميــــلة... وبنوتـــــة زى الطيــــــر
تطير بقلبى فوق السحاب فى السما
ويكون معاها قلبين.... واعيش انا من غيــر

دا مش مكانك

مكتب كبيـــر والشانون ..والكرسى دوار
الدنيا ياما تدى... حتــى ولو كان حمــار
بس ياهل ترى؟؟!! هو دا مكانك
ولا مكانـك...... طشط فــــــــــى الدوار
وعجبى

حلفت يوم

حلفت يــــوم لامشى ولا عمـــــرى اميل
وفضلت على دا الوعد عشــــــرين مـيل
روحت وسافرت وجالى يوم وهاجرت
ونسيت وعودى... يوم مـا لقيت الجميل
وعجبى

الى حبيبتى اسكندرية

احلى مكان فى الكون فى القلوب بيتهيص
مع إن على شطها فى ناس بتروح فطيس
لف البلاد ...ما هتلقى زى انا
وان كنت انت حديدة....... انا مغناطيس

حبيت اقول

حبيت اقول فيكى ...... الى ما عمرة اتقـــــال
لقيت كل الكلام....... ما هيجى فيكى متقـــــال
ذرة حنان وحب ومن قلب رسمة عينيكى
وحلفت انى ما اقول عشان ما اظلمك فى مـقـــال

Wednesday, December 26, 2007

القبر

القلب بطــــــل دق........... والعقل طفــــى انـــــواره
واديـــك وحيــــد فى القبـــر... ولا كنت دارى بنـــــاره
دلوقتى ايــة الـى جنــاه من دنيته ياخده معاه؟؟
عمله لوحدة معــاة... فين عزوته وفين فلوسه وداره